سوسن محمد میرخان: راگەیەندراوی فراکسیۆنی پارتی لە ساڵیادی شۆڕشی مەزنی ئەیلوول

راگەیەندراوی فراکسیۆنی پارتی لە ساڵیادی شۆڕشی مەزنی ئەیلوول
شۆڕشی ئەیلوول، کە 59 ساڵ بەر لە ئێستا بە رێبەرایەتی جەنەڕال مستەفا بارزانی، باوکی رۆحیی و نەتەوەیی کورد هەڵگیرسا، وەرچەرخانێکی مێژوویی بوو لە بەرخودانی گەلەکەمان لە دژی داگیرکەران.
لە 11ـی ئەیلوولی 1961، ژمارەیەک پێشمەرگە، بە چەکی سووک و سادە بەڵام بە ورەیەکی بەرز و رێبەرایەتییەکی بێوێنە، دەستپێکردنەوەی خەباتیان بۆ رزگاریی گەلی کوردستان راگەیاند.
شۆڕشی ئەیلوول، کە لە خانەقین تا زاخۆوە نوێنەرایەتیی هەموو خەڵکی کوردستانی دەکرد و تێیدا خوێنی گەنج و لاوانی هەرچوار پارچەی کوردستان تێکەڵی یەک بوو، بۆ یەکەمجار داخوازییەکانی گەلی کوردستانی لە مافە رۆشنبیری و کولتورییەکان بۆ مافە سیاسییەکان گۆڕی و لە رێککەوتنی 11ـی ئاداری 1970ش، هەموو ئامانجەکانی خۆی بە دەست هێنا.
بارزانی نەمر لە شۆڕشی ئەیلوولدا، نەوەک بە تەنیا هەر بۆ گەلەکەمان، بەڵکو بۆ هەموو گەلانی ژێردەستەی جیهانی سەلماند، کە ئەگەر ویستی رزگاری هەبێت، هەموو دونیا ناتوانێ شۆڕش و ئیرادەی گەلێک لەناو ببات.
لەم یادەدا، وەک فراکسیۆنی پارتی لە پەرلەمانی کوردستان، سڵاو دەنێرین بۆ پێشمەرگە و شەهیدانی ئەو شۆڕشەی گەلی کوردستان و سەروەریان بارزانی نەمر و کاکە ئیدریسی هەمیشە زیندوو و جەخت لەسەر پاراستنی دەستکەوتەکانی ئەو شۆڕشە و بە یاساییکردنیان، دەکەینەوە.
فراکسیۆنی پارتی
لە پەرلەمانی کوردستان

About خبرگزاری کردستان نیوز

خبرگزاری ملی کردستان اولین خبرگزاری ملی کردستان به چند زبان رسمی اخبار کردزبانهای سراسر جهان را اطلاع رسانی می نماید

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *